Ur sizhun, un istor : sizhun 22
29 a viz Mae 1949. Distrujet eo skolaj Sant Frañsez Zavier e Gwened abalamour dun tan-gwall. Aozet e vez an distro-skol dan 8 a viz Even, hag a-drugarez dan dud a youl-vat deuet da sikour evit ober labourioù e vez adsavet al lodennoù distrujet e-pad an hañv.
Krouet e oa bet ar skolaj e 1850 gant ar Jezuisted, e Kouent kozh an Ursulinezed e kreiz-kêr Gwened.
Ar film-se a oa bet graet war belikulenn 16mm gant an Doktor Raymond Arradon. Ganet e oa e 1909 e Naoned, ha goude bezañ graet e studioù e Skolaj Sant Frañsez Zavier er bloavezhioù 20 ez eas war ar vicher mezeg e Gwened, arbennikaet war ar skevent, ar radiografiezh hag an tomografiezh.
E 1936 e oa kroget da vezañ dedennet gant ar sinema. Da gentañ tout e plije dezhañ filmañ ar pezh a oa tomm de galon : ar familh, ar relijion hag ar Mor-bihan ; ar pezh a rae da vare an dibennoù-sizhun pe ar vakañsoù. Pep hini er familh a ranke kemer perzh, mod pe vod.
Fiziet eo bet e filmoù e Gwarez Filmoù goude ma vefe marvet e 1984.
Par : Cinémathèque de Bretagne